იტალიის საგარეო საქმეთა მინისტრმა ანტონიო ტაჯანიმ ისრაელს ღაზაში მიმდინარე სამხედრო ოპერაციების შეწყვეტისკენ მოუწოდა. 

La Stampa-სთვის მიცემულ ინტერვიუში ტაჯანიმ ხაზგასმით აღნიშნა, რომ ღაზაში მიმდინარე ომი ისრაელზე „ჰამასის“ მიერ განხორციელებულმა "ბარბაროსულმა" თავდასხმამ გამოიწვია.

"თუმცა, ახლა ცეცხლის შეწყვეტა აუცილებელია. ისრაელმა უნდა შეწყვიტოს სამხედრო ოპერაციები, რომლებმაც კატასტროფულად იმოქმედა პალესტინის მოსახლეობაზე," - დასძინა ტაჯანიმ.

აღნიშნული ინტერვიუ „დიდი შვიდეულის“ ქვეყნების საგარეო საქმეთა მინისტრების შეხვედრის წინ შედგა, რომელსაც ანტონიო ტაჯანი უმასპინძლებს.