საქართველოში 2025 წლის იანვარი-სექტემბრის მონაცემებით ტურისტული ვიზიტების რეკორდული მაჩვენებელი დაფიქსირდა და მან ისტორიულ მაქსიმუმს 4.3 მილიონ ვიზიტს მიაღწია. აღნიშნულის შესახებ ინფორმაციას ტურიზმის ეროვნული ადმინისტრაცია ავრცელებს.

ადმინისტრაციის ცნობით, საერთაშორისო მოგზაურის ვიზიტების რაოდენობამ კი 6.1 მილიონი შეადგინა.

2025 წლის 9 თვის მონაცემები:

• 6 109 755 საერთაშორისო მოგზაური - 2024 წელთან შედარებით ზრდა +5.4%
• 4 307 094 საერთაშორისო ტურისტი - 2024 წელთან შედარებით ზრდა +7.9%

რაც შეეხება 2025 წლის III კვარტალში დაფიქსირებულ მაჩვენებლებს, ივლისი-სექტემბრის პერიოდში საერთაშორისო ტურისტული ვიზიტების ასევე რეკორდული მაჩვენებელი დაფიქსირდა და ისტორიულმა მაქსიმუმი 2 მილიონი ვიზიტი შეადგინა

2025 წლის ივლისი-სექტემბრის მონაცემები:

• 2 956 014 საერთაშორისო მოგზაური - 2024 წელთან შედარებით ზრდა +6.6%
• 2 036 731 საერთაშორისო ტურისტი - 2024 წელთან შედარებით ზრდა +9%