უკრაინის პრეზიდენტის, ვოლოდიმირ ზელენსკის ცნობით, ჰამასის თავდასხმას ისრაელში უკრაინის 2 მოქალაქე ემსხვერპლა. ამის შესახებ მან ყოველდღიური ვიდეომიმართვისას განაცხადა.

"სამწუხაროდ, [ისრაელში] უკრაინის 2 მოქალაქის გარდაცვალების ფაქტი დადასტურდა. სამძიმარს ვუცხადებ მათ ოჯახებს. უკრაინის საელჩო ისრაელში ჩვენს დიპლომატებთან ერთად უწყვეტ რეჟიმში მუშაობს, რომ დავეხმაროთ ჩვენს ხალხს. დადგინდა ისრაელის სამხრეთით 5 უკრაინელის ადგილსამყოფელი. კიდევ ერთხელ მივმართავთ ჩვენს მოქალაქეებს, გთხოვთ, იყავით ყურადღებით და მიჰყევით ადგილობრივი თავდაცვის ძალების ინსტრუქციებს", - ამბობს ზელენსკი.

7 ოქტომბერს ღაზას სექტორიდან ისრაელის მიმართულებით ათობით რაკეტა გაუშვეს. ქვეყნის მასშტაბით განგაშის სირენები ამოქმედდა.