ისრაელმა ღაზის სექტორში ყოველდღიურად ჰუმანიტარული დახმარებით სავსე 100 სატვირთო ავტომობილის შესვლის ნებართვა გასცა. ამის შესახებ ამერიკელ ოფიციალურ პირზე დაყრდნობით Times of Israel-ი იტყობინება.

გამოცემის ინფორმაციით, ეს გადაწყვეტილება ჯო ბაიდენის ადმინისტრაციის ჩართულობით გამართული ინტენსიური დიპლომატიური მუშაობის შედეგია.

10 დღის წინ ეგვიპტესა და ღაზის სექტორს შორის საზღვარზე მდებარე რაფაჰის გამშვები პუნქტი გაიხსნა, რის შემდეგაც ღაზის სექტორში ჰუმანიტარული დახმარებით სავსე 171 სატვირთო ავტომობილი შევიდა.