კატარის ემირმა ტამიმ ბინ ჰამად ალ-ტანიმ საერთაშორისო საზოგადოებას მოუწოდა, არ მიანიჭოს ისრაელს „შეუზღუდავი უფლებამოსილება, რომ „ჰამასთან“ ბრძოლისას პალესტინელები დახოცოს“.  

"ისრაელს უპირობოდ არ უნდა აუნთოთ მწვანე შუქი და არ უნდა მიანიჭოთ შეუზღუდავი უფლებამოსილება პალესტინელთა დახოცვისთვის. საერთაშორისო საზოგადოებას ამ სახიფათო ესკალაციის თავიდან აცილებისკენ მოვუწოდებთ, რომელიც საფრთხეს უქმნის რეგიონისა და მსოფლიოს უსაფრთხოებას.

ჩვენ არ დავუშვებთ ორმაგ სტანდარტებს და არ მივემხრობით ისეთ ქმედებას, თითქოს პალესტინელი ბავშვების სიცოცხლე მნიშვნელოვანი არ არის", - თქვა ტამიმ ბინ ჰამად ალ-ტანიმ არაბული ქვეყნების თანამშრომლობის საბჭოზე სიტყვით გამოსვლისას.
როგორც ცნობილია, ისრაელსა და „ჰამასს“ შორის შუამავლობის უახლესი მცდელობები დაიწყო.