ისრაელის სამხედრო ავიაციამ ირანის ქალაქ თავრიზის აეროპორტი დაბომბა.

ირანული მედიის თანახმად, სამიზნე სავარაუდოდ შაჰიდ ფაკურის სამხედრო ავიაბაზა იყო, სადაც გამანადგურებლები იყო განთავსებული.

პარალელურად, გავრცელებულ განცხადებაში ირანის ატომური ენერგიის ორგანიზაციამ დაადასტურა, რომ ნათანზის ბაზაზე თავდასხმის შედეგად სხვადასხვა კომპლექსის ნაწილები დაზიანდა და მიმდინარეობს გამოძიება ზარალის დონის დასადგენად.

ამ დროისთვის, ადგილზე მყოფთა შორის დაშავებულების შესახებ ინფორმაცია არ გავრცელებულა.