ღაზადან ისრაელის მიმართულებით რაკეტები გაისროლეს, ისრაელში სირენების ხმა ისმოდა, - ამის შესახებ ინფორმაციას უცხოური მედია ისრაელის თავდაცვის ძალებზე დაყრდნობით ავრცელებს.

ისრაელის თავდაცვის ძალებმა (IDF) გამოაცხადეს, რომ ისინი "მზად არიან ომისთვის" მას შემდეგ, ქვეყანაზე სარაკეტო დარტყმები განხორციელდა და ღაზას სექტორში სამხედროებმა შეაღწიეს. ამის შესახებ ნათქვამია ისრაელის შეიარაღებული ძალების ტელეგრამის არხზე გამოქვეყნებულ განცხადებაში.

ისრაელის მიმართულებით განხორციელებულ შეტევებზე პასუხისმგებლობა „ჰამასმა“ აიღო.  მათი ლიდერის განცხადებით, ისრაელის წინააღმდეგ ახალი სამხედრო ოპერაცია, სახელწოდებით „ალ-აქსას ქარიშხალი“ დაიწყეს.

ღაზას სექტორიდან გასროლილი რაკეტის აფეთქების შედეგად ერთი ადამიანი დაიღუპა.