"ჩვენ რთულ ომში ვართ ჩაბმულნი. ეს იქნება ხანგრძლივი ომი. მტკივნეულ დანაკარგებთან ერთად, მნიშვნელოვანი მიღწევებიც გვაქვს. ვიცით, რომ თითოეული ჩვენი ჯარისკაცი მთელ სამყაროს ნიშნავს. მთელი ისრაელი გულში გიკრავთ თქვენ და თქვენს ოჯახებს. ჩვენ ყველანი თქვენს გვერდით ვართ ამ დიდი მწუხარების დროს.

ჩვენი ჯარისკაცები სამშობლოს თავისუფლებისთვის სამართლიან ომში დაეცნენ. ისრაელის მოქალაქეებს გპირდებით, რომ ბრძოლას გავაგრძელებთ მანამ, სანამ არ შევასრულებთ მისიას - ჩვენ უნდა გავიმარჯვოთ", - განაცხადა ისრაელის პრემიერ-მინისტრმა ბენიამინ ნეთანიაჰუმ მას შემდეგ, რაც ისრაელმა დაადასტურა, რომ 31 ოქტომბერს ღაზაში მიმდინარე საბრძოლო მოქმედებების დროს 11 ისრაელელი ჯარისკაცი დაიღუპა.