ღაზას სექტორში ისრაელის არმიის დანაყოფის მეთაურის ყოფილმა მოადგილემ ამირ ავივმა BBC-ს განუცხადა, რომ ისრაელ-,,ჰამასის“ კონფლიქტი შეიძლება კიდევ ორი თვის განმავლობაში გაგრძელდეს.

„ჩვენ ახლა გადამწყვეტ ეტაპზე ვართ. ისრაელის თავდაცვის ძალებს უფრო და უფრო მეტი ტერორისტი ნებდება. ერთ-ორ კვირაში, ისრაელის თავდაცვის ძალები ღაზას სექტორის ჩრდილოეთ ნაწილს სრულად გააკონტროლებს. ეს ტერიტორია ,,ჰამასის“ საყრდენია, მაგრამ ის გეოგრაფიულად ღაზას სექტორის მხოლოდ 20%-ს მოიცავს.

ხან იუნისის გარშემო, ღაზას სამხრეთით, სასტიკი ბრძოლა მიმდინარეობს. თუმცა მნიშვნელოვანი მიღწევაა ის, რომ ისრაელი ღაზას ,,ჰამასისგან" ათავისუფლებს,“ - განაცხადა ამირ ავივმა.