ექსპრეზიდენტ მიხეილ სააკაშვილის დედის გიული ალასანიას განცხადებით, მიხეილ სააკაშვილმა კლინიკა „ვივამედში“ გონება კიდევ ერთხელ დაკარგა.

მისი თქმით, პოლონელ ექიმებს  სააკაშვილის მოსანახულებლად არ უშვებენ. 

„ამ გადაწყვეტილებაში მონაწილეობას იღებდა ევროპის 27 სახელმწიფო და მათი გადაწყვეტილებით ხდებოდა ეს ყველაფერი. ეს დემარში მათი მხრიდან გამოსეირნება ხომ არ იყო. როცა ამას არაფერი მოჰყვება ცოტა უცნაური არაა? იმ ქვეყნისგან, რომელიც აპირებს, გახდეს ამ ევროპული ოჯახის წევრი. ისევ გონება დაკარგა. ალბათ, დაუვარდა წნევა. არ ვიცი, მიზეზი რა იყო. ფაქტია, რომ ადამიანი დაეცა. წონის კლება ყოველდღიურად ხდება და ადამიანი დაემსგავსა ჩონჩხს“, - აცხადებს გიული ალასანია.