"ხალხის ძალის“ წევრი თამთა მეგრელიშვილი მიხეილ სააკაშვილის დღევანდელ სასამართლო პროცესს სოციალური ქსელით ეხმაურება:

„ვერასოდეს ვიფიქრებდი, რომ ამას დავწერდი. ვერასოდეს წარმოვიდგენდი, რომ ბაჩო ახალაიას და ვანო მერაბიშვილს ვინმეზე წინ დავაყენებდი და ეს დღეც დადგა.

ისეთი არარაობა, უსამშობლო მანქურთია ეს ჩვენი ყოფილი ბელადი, რომ კაცობით და მედგრად დგომით მის ჯალათებთან, ვანოსთან და ბაჩოსთან ახლოსაც ვერ მივა. მათი პროცესებიც გვახსოვს, მოიხადეს სასჯელი, სასამართლო პროცესებზე პიჯაკებში გამოწყობილი მიდიოდნენ და ამტკიცებდნენ თავის "სიმართლეს"...

ეს ყველაფერი რა გულის ამრევია, ეს როგორ უნდა აკადრო საკუთარ თავს და მერე შენს მომხრეებს? სირცხვილია“- წერს მეგრელიშვილი.