აშშ-ის არჩეულმა პრეზიდენტმა, დონალდ ტრამპმა ტემი ბრიუსი სახელმწიფო დეპარტამენტის სპიკერის პოსტზე წარადგინა.

“ტემი ძალიან პატივსაცემი პოლიტიკური ანალიტიკოსია, რომელმაც ადრევე გააცნობიერა MAGA-ს [მოძრაობა “გავხადოთ ამერიკა კვლავ დიადი”] ძალა და მნიშვნელობა. მას შემდეგ, რაც 90-იან წლებში ლიბერალი აქტივისტი იყო, მან დაინახა რადიკალი მემარცხენეების სიცრუე და თაღლითობა და სწრაფად გახდა ერთ-ერთი ყველაზე ძლიერი კონსერვატიული ხმა რადიოსა და ტელევიზიაში. თავის პოზიციაზე ტემი ორი ათწლეულის განმავლობაში ამერიკელ ხალხს სიმართლეს უყვებოდა. მე ვიცი, რომ იგი იმავე ძალასა და უშიშარ სულისკვეთებას შესძენს თავის ახალ თანამდებობას, როგორც სახელმწიფო დეპარტამენტის სპიკერი”, - აღნიშნა დონალდ ტრამპმა.