გერმანიის კანცლერმა ფრიდრიხ მერცმა ირანის ომთან დაკავშირებით აშშ-ის პრეზიდენტის, დონალდ ტრამპის მიდგომა გააკრიტიკა და განაცხადა, რომ ის რასაც ამჟამად ტრამპი აკეთებს არის "მასიური ესკალაცია გაურკვეველი შედეგით".

მან ასევე ეჭვი გამოთქვა "ირანის რეჟიმის დამხობის" შესაძლებლობასთან დაკავშირებით.

"ის, რასაც ახლა ტრამპი აკეთებს, არა დეესკალაცია და მშვიდობიანი გადაწყვეტის მიღწევის მცდელობა, არამედ მასიური ესკალაციაა გაურკვეველი შედეგით. ეს საფრთხეს ქმნის არა მხოლოდ უშუალოდ დაზარალებულებისთვის, არამედ ყველა ჩვენგანისთვის. თუ რეალური მიზანი მართლაც რეჟიმის შეცვლაა, არ მგონია, ამას მიაღწიონ. ასეთი მცდელობები უმეტესად, მარცხით სრულდება,"- აცხადებს მერცი.