“კვარაცხელია განსაკუთრებული ბიჭია, ის ჯერ კიდევ სეზონის დაწყებამდე შევამჩნიე” - ამის შესახებ “ნაპოლის” თავდამსხმელმა, ვიქტორ ოსიმენმა, იტალიურ გამოცემასთან ინტერვიუში განაცხადა:

"ნაპოლის ამ შემადგენლობაში დიდებული ლიდერები არიან. კვარაცხელია განსაკუთრებული ბიჭია, ის ჯერ კიდევ სეზონის დაწყებამდე შევამჩნიე. ის ყველას უყვარს, არა მხოლოდ იმის გამო, რასაც მოედანზე აკეთებს, არამედ იმისთვისაც, როგორიც მოედნის მიღმაა. მჯერა, რომ მას ოქროს ბურთის მოგება შეუძლია მომდევნო რამდენიმე წლის განმავლობაში. იმედი მაქვს, ის ნაპოლის დიდებას მოუტანს. ჩვენს შორის დიდი ურთიერთგაგებაა, სპალეტი ასევე არაჩვეულებრივია და ეს მთავარი მიზეზია, თუ რატომ მიგვდის ეს სეზონი კარგად. ასევე უნდა გავაგრძელოთ“, - ამბობს ოსიმენი.