ის ფიქრობდა, რომ ირანი ვენესუელაა. მან თავისი გეგმების განხორციელება ვერ შეძლო,“ — განაცხადა ირანის პარლამენტის სპიკერმა მოჯამედ ბაგერ გალიბაფმა აშშ-ის გეგმების ჩავარდნაზე.

„მან ვერ შეძლო ჩვენი იძულება, დავნებებულიყავით. მისი მიზანი რეჟიმის შეცვლა იყო — მას ამის განხორციელება სურდა, მაგრამ ვერ შეძლო. ის ფიქრობდა, რომ ირანი ვენესუელაა, სადაც ასე მოქმედება შესაძლებელია, მაგრამ ეს ასე არ არის. მას ასევე ირანული ნავთობის ხელში ჩაგდება სურდა. გაიხსენეთ, ის ამაზე თავიდანვე საუბრობდა. პირველ დღეებში ამბობდა: ირანის სარაკეტო პოტენციალს დაბომბვებით გავანადგურებო. მაგრამ რა მოხდა? მიუხედავად ყველაფრისა, რაც მან გააკეთა, ამას ვერ მიაღწია. მან ვერ შეძლო ჩვენი შეტევითი შესაძლებლობების განადგურება. ჩვენ ადრეც ვთქვით — არაფერი მოხდება. ამჯერად ნახეთ, რომ ჩვენ არ ვიყავით მოწყვლადები. პირიქით, ჩვენი დარტყმების ძალა გამოვლინდა, ჩვენი საშუალებების მრავალფეროვნება აშკარა გახდა და მტერი ამას შეეჯახა.

ის ასევე ვარაუდობდა მოქმედებას ჩვენი აღმოსავლეთ და დასავლეთ საზღვრების მეშვეობით, შიდა ძალებისა და მხარდაჭერის იმედად, მაგრამ ესეც არ გამოვიდა. მათ სურდათ ჩვენი ჩათრევა შეტაკებებში და ამ მიმართულებებიდან შემოტევა. ის ცდილობდა შიდა არეულობების პროვოცირებას — როგორც ომამდე, ისე მისი დაწყების შემდეგ, მაგრამ ვერ შეძლო. ჩვენ ეს ვნახეთ. მან ვერ განახორციელა თავისი გეგმები. მას სურდა ჰორმუზის სრუტეზე თავდასხმა, კონტროლის დამყარება და, ფაქტობრივად, მისი გახსნა ან ჩაკეტვა მსოფლიოსთვის. ის ცდილობდა ნატოს ჩართვას, მაგრამ არავინ გამოეხმაურა. ამ მოწოდებას არავინ უპასუხა. საბოლოოდ აშკარა გახდა: თავად მოწინააღმდეგემ აღიარა თავისი მარცხი. ჩვენი მეგობრები მთელ მსოფლიოში ხედავენ ამას. და ეს ძალიან განსხვავდება იმისგან, რასაც ისინი მოელოდნენ — რომ ჩვენი არმია დასუსტებული და დათრგუნული იქნებოდა.“