ირანში შვიდი პატიმარი სიკვდილით დასაჯეს, მათ შორის ორი ქალი და ხუთი მამაკაცია.

როგორც სააგენტო „ფრანს პრესი“ იტყობინება, მათგან მხოლოდ ერთი – 27 წლის ფატემა აბდულაჰი, ქმრის მკვლელობისთვის იყო გასამართლებული, დანარჩენებს ბრალად ნარკოტიკულ საშუალებებთან დაკავშირებული საქმეები ედებოდათ.

უფლებადამცველი ორგანიზაციების ცნობით, მხოლოდ მიმდინარე წელს ირანში სიკვდილით 223 ადამიანი დასაჯეს, აქედან 50 მაისში.

მათგან ბევრია ქალი, რაც რეკორდულად მაღალი მაჩვენებელია სხვა ქვეყნებთან შედარებით, სადაც სასჯელის უმაღლეს ზომად სიკვდილით დასჯა განიხილება.

აქტივისტების განცხადებით, მსჯავრდადებული ქალების უმეტესობა ოჯახური ძალადობის მსხვერპლია.