ირანში, ისრაელის სასარგებლოდ ჯაშუშობაში ბრალდებული მამაკაცი სიკვდილით დასაჯეს

როგორც საინფორმაციო სააგენტო Fars-ი იუწყება, ირანის მთავრობამ სიკვდილით დასაჯა მამაკაცი, რომელიც ისრაელის სადაზვერვო სააგენტო „მოსადის“ სასარგებლოდ ჯაშუშობაში დამნაშავედ ცნეს. მამაკაცი იდენტიფიცირებულია, როგორც ესმაილ ფეკრი.

ISNA-ს ცნობით, ფეკრი, 16 ივნისს, დილით ჩამოახრჩვეს, მანამდე კი, დეკემბერში დაპატიმრებული იყო. ირანი ამტკიცებდა, რომ ფეკრი „მოსადის“ ორ აგენტთან იყო დაკავშირებული და მათ სადაზვერვო ინფორმაციას აწვდიდა.

ბოლო კვირების განმავლობაში, ესმაილ ფეკრი მესამე ბრალდებულია, ვინც ისრაელის სახელით ჯაშუშობის ჩადენასთან დაკავშირებით სიკვდილით დასაჯეს.