ირანმა რუსეთს ბალისტიკური რაკეტები გადასცა. აღნიშნულ ინფორმაციას „ვოლ სტრიტ ჯორნალი“ ავრცელებს. 

უფრო კონკრეტულად კი, აშშ-ისა და ევროპელი ოფიციალური პირების თქმით, ირანმა რუსეთს მცირე რადიუსზე მოქმედი რაკეტები გაუგზავნა, რომლის გამოყენებასაც რუსეთი უკრაინის წინააღმდეგ ომში შეძლებს. 

ამასთან, „სიენენი“ წერს, რომ უცნობია თარიღი თუ როდის მიაწოდა ირანმა რუსეთს რაკეტები. 

უკრაინის პრეზიდენტმა, ვოლოდიმირ ზელენსკიმ გერმანიაში უკრაინის თავდაცვის საკონტაქტო ჯგუფის შეხვედრაზე მოკავშირეებს განუცხადა, რომ უკრაინას სასწრაფოდ ესაჭიროება მეტი საჰაერო თავდაცვის სისტემა.

რაც შეეხება თავად ირანს, ოფიციალური თეირანი რუსეთის დახმარებას კვლავ უარყოფს.