ირანის საელჩომ საქართველოში მეწყერით დაზარალებულთა პატივსაცემად დროშა დაუშვა. ინფორმაციას ამის შესახებ საქართველოში ირანის საელჩო Twitter-ზე ავრცელებს.

„ჩვენი ფიქრები, ამ ტრაგედიის და გლოვის დროს ქართველ ხალხთანაა“, - აღნიშნავენ საელჩოში.

შოვში მომხდარი ტრაგედიის გამო, 7 აგვისტო საქართველოში გლოვის დღეა. შესაბამისი გადაწყვეტილება ქვეყნის პრემიერ-მინისტრმა, ირაკლი ღარიბაშვილმა მიიღო. ქვეყნის ტერიტორიაზე 00:00 საათიდან 8 აგვისტოს 00:00 საათამდე სახელმწიფო დროშები დაეშვება.

შოვში მეწყერი 3 აგვისტოს ჩამოწვა. ბოლო მონაცემებით, სტიქიის შედეგად გარდაცვლილია 18 ადამიანი. მაშველები დაკარგულების ძებნას უწყვეტ რეჟიმში განაგრძობენ.