ირანის პორტში აფეთქების შედეგად დაღუპულთა რიცხვი 40-მდე გაიზარდა, დაშავებულია 1 200-ზე მეტი ადამიანი. ამის შესახებ „როიტერი“ წერს.

სამაშველო სამუშაოები ამ დრომდე მიმდინარეობს. მეხანძრეები ხანძრის ლიკვიდაციას ცდილობენ. ამ დროისთვის ხანძრის 90 პროცენტი ლიკვიდირებულია.

როგორც „როიტერი“ წერს, ქიმიური ნივთიერების აფეთქება ბანდარ აბასის პორტში მოხდა. აფეთქება პორტის იმ ნაწილში მოხდა, სადაც საშიში ტვირთები და ქიმიური ნივთიერებების კონტეინერები ინახება. აფეთქების შედეგად ახლომდებარე შენობების ფანჯრები ჩაიმსხვრა და დაზიანდა სახურავები, განადგურებულია ავტომობილები. რეგიონში დაიხურა სასწავლო დაწესებულებები და ოფისები.

მომხდარზე მიმდინარეობს გამოძიება.