ირანის ისლამური რესპუბლიკა მოუწოდებს სომხეთსა და აზერბაიჯანს, რაც შეიძლება მალე დადონ სამშვიდობო ხელშეკრულება. ამიკს შესახებ ირანის საგარეო საქმეთა მინისტრმა აბას არაღჩიმ სომეხ კოლეგა მირზოიანთან ერთობლივ ბრიფინგზე განაცხადა.

რეგიონში ყველა პრობლემა უნდა მოგვარდეს დიპლომატიური გზით, ძალის გამოყენების გარეშე და ეს არის თეირანის სტაბილური პოზიცია - აღნიშნა მან.

"კომუნიკაციების გახსნის საკითხი ქვეყნების სუვერენიტეტის ლოგიკით უნდა გადაწყდეს. ქვეყნების ტერიტორიული მთლიანობა და ეროვნული კანონები უნდა იყოს დაცული. სხვა ვარიანტი მიუღებელია", - განაცხადა არაღჩიმ კითხვის საპასუხოდ, თუ როგორია თეირანის პოზიცია ბაქოს შესაძლო მცდელობაზე, ძალის გამოყენებით მოიპოვოს ექსტრატერიტორიული დერეფანი სომხეთის გავლით.