ისრაელის თავდაცვის მინისტრმა, ისრაელ კაცმა განაცხადა, რომ ირანის სულიერი ლიდერი აიათოლა ალი ხამენეი „პასუხს აგებს ომის დანაშაულებზე“.

ისრაელ კაცმა განცხადება მას შემდეგ გააკეთა, რაც ისრაელში, სოროკას საავადმყოფოზე ირანმა იერიში ბალისტიკური რაკეტებით მიიტანა.

„ირანელი მშიშარა დიქტატორი ღრმა ბუნკერში ზის და განზრახ იწყებს თავდასხმებს ისრაელის საავადმყოფოებისა და საცხოვრებელი შენობების მიმართულებით“, – განაცხადა ისრაელ კაცმა.

ისრაელის თავდაცვის მინისტრმა აღნიშნა, რომ პრემიერ-მინისტრ ბენიამინ ნეთანიაჰუსთან ერთად, „ისრაელის თავდაცვის ძალებს დაავალეს, ირანის სტრატეგიული ობიექტებისა და თეირანის მთავრობასთან დაკავშირებული ობიექტების წინააღმდეგ დარტყმების გაძლიერება, რათა აღმოფხვრან ისრაელის სახელმწიფოსთვის არსებული საფრთხეები“.