საქართველოს პრემიერ-მინისტრ ირაკლი ღარიბაშვილს Emaar Properties-ის დამფუძნებელმა და მმართველმა დირექტორმა, მოჰამედ ალი რაშედ ალაბარმა უმასპინძლა.

პრემიერ-მინისტრის პრესსამსახურის ინფორმაციით, დუბაიში, მოჰამედ ალი რაშედ ალაბარის რეზიდენციაში გამართულ შეხვედრაზე იმ პროექტებზე იმსჯელეს, რომელთა განხორციელებაზეც Emaar Properties-ი აქტიურად მუშაობს.

მუჰამედ ალი რაშედ ალაბარი მსოფლიოში ყველაზე მაღალი შენობის – ბურჯ-ხალიფას მფლობელია. Emaar Properties მრავალეროვნული უძრავი ქონების განვითარების კომპანიაა, რომელიც არაბთა გაერთიანებულ საამიროებში მდებარეობს. კომპანია 30 მილიარდზე მეტ აქტივებს ფლობს მსოფლიო მასშტაბით. Emaar Properties აზიის, ევროპისა და ჩრდილოეთ ამერიკის არაერთ ქვეყანაში ოპერირებს.