ვიქტორ ორბანს, რომელიც უნგრეთის, ევროკავშირის საბჭოს თავმჯდომარე ქვეყნის პრემიერ-მინისტრია, ჩინეთში ვიზიტის შესახებ ევროკომისია არ გაუფრთხილებია, – ამის შესახებ ევროკომისიის წარმომადგენელმა, ერიკ მამერმა ბრიუსელში გამართულ ბრიფინგზე განაცხადა.

„ვიზიტის დაწყებამდე კომუნიკაცია არ ყოფილა, არც ვიზიტის შემდეგ ყოფილა განმარტებები“, – განაცხადა მამერმა ჟურნალისტების დასმულ შეკითხვაზე საპასუხოდ.

როგორც ცნობილია, ორბანმა ევროკომისია არც მოსკოვში ვიზიტის შესახებ გააფრთხილა. ევროკავშირში კი განმარტეს, რომ უნგრეთის პრემიერი მოსკოვში ევროკავშირის ინტერესებს არ ატარებდა და ის მხოლოდ უნგრეთს წარმოადგენდა.

შეგახსენებთ, 1-ელი ივლისიდან უნგრეთმა როტაციით ევროკავშირის საბჭოს თავმჯდომარეობა გადაიბარა.