მისი თქმით, საქართველომ ევროპაში მიმოსვლის ლიბერალური, ვიზისგან თავისუფალი, რეჟიმი მიიღო და აღნიშნული თაობების ოცნება იყო.

„ეს არის მნიშვნელოვანი მეტი ეკონომიკური, კულტურული, საგანმანათლებლო ურთიერთობებისთვის, ტურიზმისა და ასე შემდეგ. ასე, რომ ის ურთიერთობა ევროპასთან, რომელიც 5 წლის წინ ვიზალიბერალიზაციის კუთხით დაიწყო, თუმცა ევროპასთან ინტეგრაცია ჩვენ უფრო ადრე დავიწყეთ, როდესაც ასოცირებისა და თავისუფალი, ღრმა და ყოვლისმომცველ შეთანხმების ხელშეკრულებას მოვაწერეთ ხელი, რა თქმა უნდა, ეს გრძელვადიანი პროცესია, რომელიც საბოლოოდ, ევროპაში სრულუფლებიანი წევრობით უნდა დასრულდეს. ამ კუთხით მთავრობა აკეთებს ყველაფერს და დიდი პროგრესია მიღწეული“, - განაცხადა დავითაშვილმა.