უკრაინაში ისრაელის საგანგებო და სრულუფლებიანმა ელჩმა მიხაილ ბროდსკიმ განაცხადა, რომ უკრაინას ჯერ არ გაუგზავნია თხოვნა უკრაინის პრეზიდენტის ვოლოდიმირ ზელენსკის ისრაელში შესაძლო ვიზიტთან დაკავშირებით. ამის შესახებ ელჩმა Ynet- თან ინტერვიუში განაცხადა.

დიპლომატის თქმით, ზელენსკის ისრაელში ნებისმიერ დროს ელოდებიან.

კითხვაზე, ისრაელ-ჰამასის ომის დასაწყისის დროს მართლა განაცხადეს თუ არა ისრაელში, რომ ქვეყანაში უკრაინის პრეზიდენტის ვიზიტის დრო არ იყო, ელჩი ამბობს, რომ გავრცელებული ინფორმაცია სიმართლეს არ შეესაბამება.

„პრეზიდენტ ზელენსკის ნებისმიერ დროს შეუძლია ჩავიდეს ისრაელში და ვფიქრობ, რომ მალე ჩავა. თარიღი ჯერ არ არის დადგენილი, მაგრამ ის ისრაელში ყოველთვის სასურველი სტუმარია. მჯერა, ეს ვიზიტი შედგება“, - აცხადებს დიპლომატი.