პოლიტიკური ჯგუფის, “ხალხის ძალის” დამფუძნებელი გურამ მაჭარაშვილი საქართველოს პრეზიდენტის განცხადებას ეხმაურება და აცხადებს:

“რაც შეეხება ხალხის ძალას და ხალხის ხმას, ეს ერთი და იგივეა, ქალბატონი სალომე, თქვენ ქართულთან ვერ იყავით კარგად, მართალია, მაგრამ იმედი გვქონდა, რომ ისწავლიდით და ხალხის ძალა არის ხალხის ხმაში და ხალხის ხმა თუ არის, ამ ხალხის ხმას აქვს ხალხის ძალა, ეს არის ერთი და იგივე და ნუ, იმედი გვაქვს, ოდესმე მაინც ისწავლით ამ დონეზე მაინც ქართულს”, – განაცხადა მაჭარაშვილმა.

ცნობისთვის, სალომე ზურაბიშვილმა “ქართულ ოცნებას” მიმართა და მოუწოდა, რომ "მოუსმინოს არა “ხალხის ძალას”, არამედ ხალხის ხმას".