ევროკომისიის პრეზიდენტი, ურსულა ფონ დერ ლაიენი უკრაინაში რუსეთის სრულმასშტაბიანი შეჭრის წლისთავთან დაკავშირებით ვიდეომიმართვას ავრცელებს და უკრაინელებს კიდევ ერთხელ უდასტურებს მხარდაჭერას. 

„რუსეთის სასტიკი აგრესიის ერთი წელი. უკრაინული გმირული წინააღმდეგობის ერთი წელი. ევროპული სოლიდარობის ერთი წელი. წინ ერთიანობის მომავალი გველის. თქვენ იბრძვით თავისუფლებისთვის, დემოკრატიისთვის და ევროკავშირში თქვენი ადგილისთვის. იმდენ ხანს ვიქნებით თქვენს გვერდით, რამდენიც საჭირო იქნება”, - ამბობს ფონ დერ ლაიენი.