ფრანგული გამოცემა Le Monde-ს ცნობით, ქალაქ არასში მასწავლებელზე თავდამსხმელი ტერორისტის მამა ამჟამად საქართველოში ცხოვრობს. 

მათი ცნობით, 20 წლის მოჰამედ მოგუჩკოვის ისლამისტურ იდეოლოგიაზე გავლენა მამამ მოახდინა, რომელიც 2018 წელს საფრანგეთმა გააძევა და ამჟამად საქართველოში ცხოვრობს. 

იქიდან გამომდინარე, რომ მამა ახლა საქართველოში იმყოფება, საფრანგეთის პოლიციას ჯერჯერობით ის არ დაუკითხავს.

შეგახსენებთ, რომ 13 ოქტომბერს, საფრანგეთში ერთ-ერთ სკოლაში დანით თავდასხმას, სულ მცირე, 1 ადამიანი ემსხვერპლა, ორი კი დაშავებულია. BFM TV-ის ცნობით, საფრანგეთის ჩრდილოეთ ნაწილში, ქალაქ არასში მდებარე ერთ-ერთ სკოლაში თავდასხმის შედეგად გარდაცვლილი ადამიანი ამავე სკოლის მასწავლებელი იყო. მაშინ ფრანგული მედია წერდა, რომ თავდამსხმელი ეთნიკურად ჩეჩენია.