UFC-ის ქვემსუბუქი წონის ჩემპიონი ილია თოფურია მსუბუქ წონაში გადადის. ამის შესახებ ინფორმაცია UFC-ის პრეზიდენტმა დანა უაითმა დაადასტურა.

მისი თქმით, თოფურიას მომავალი ბრძოლა მალე დაანონსდება.

„თოფურია გრძნობს, რომ საკუთარ წონაში ყველაფერი გააკეთა და ახლა წონის შეცვლის დროა. მის მომავალ წონას მალე დავაანონსებთ“, - განაცხადა უაითმა.

შეგახსენებთ, ილია თოფურიამ ქვემსუბუქ წონაში საჩემპიონო ქამარი 2024 წელს, ალექსანდრ ვოლკანოვსკის დამარცხებით მოიპოვა, ამავე წლის ოქტომბერში კი ქამარი მაქს ჰოლოუეითან დაპირისპირებაში დაიცვა.