„ისრაელის არმია მზადაა ღაზას სექტორში შესასვლელად, მაგრამ ის ტაქტიკური და ოპერატიული ფაქტორების გამო ყოვნდება,“ - განაცხადა ისრაელის თავდაცვის ძალების გენერალური შტაბის ხელმძღვანელმა ჰერზი ჰალევიმ.

„ისრაელი ომის შუაგულშია, რომელიც ტერორისტულმა დაჯგუფება „ჰამასმა“ დაიწყო. ის უკვე ნანობს ამ ომის დაწყებას.  

ისრაელის თავდაცვის ძალებმა და სამხრეთის ხელმძღვანელობამ შეტევის ხარისხიანი გეგმები მოამზადეს ომის მიზნების მისაღწევად. ისრაელის თავდაცვის ძალები მზად არის სახმელეთო ოპერაციისთვის და შემდეგი ნაბიჯის ფორმასა და დროსთან დაკავშირებით გადაწყვეტილებას პოლიტიკურ ეშელონთან ერთად მივიღებთ“, - განაცხადა ჰალევიმ.