9 ივ­ლისს, და­ახ­ლო­ე­ბით ღა­მის 2:00 სა­ათ­ზე, მეს­ტი­ის მუ­ნი­ცი­პა­ლი­ტეტ­ში, მუ­ლა­ხის ად­მი­ნის­ტრა­ცი­ულ ერ­თე­ულ­ში, ავ­ტო­საგ­ზაო შემ­თხვე­ვა მოხ­და, რა­საც ორი ადა­მი­ა­ნი ემსხვერ­პლა, ავ­ტო­მო­ბილ­ში მყო­ფი მე­სა­მე პირი სიკ­ვდილს გა­და­ურ­ჩა და ამ­ჟა­მად შო­კურ მდგო­მა­რე­ო­ბა­შია. ავ­ტო­ა­ვა­რი­ის შე­დე­გად გი­ორ­გი რა­ტი­ა­ნი და გი­ორ­გი ნი­ჟა­რა­ძე და­უ­ღუპ­ნენ.

არ­სე­ბუ­ლი ინ­ფორ­მა­ცი­ით, უა­მინ­დო­ბის გამო, გზებ­ზე ცუდი ხილ­ვა­დო­ბა იყო, რის შე­დე­გა­დაც მან­ქა­ნა მდი­ნა­რე მულ­ხუ­რა­ში დიდი სი­მაღ­ლი­დან გა­და­ვარ­და. და­ღუ­პუ­ლი ახალ­გაზ­რდე­ბის ცხედ­რე­ბი მაშ­ვე­ლებ­მა ამო­იყ­ვა­ნეს.

ერთ-ერთი გარ­დაც­ვლი­ლი ბი­ჭის ახ­ლო­ბე­ლი Ambebi.ge-ს უყ­ვე­ბა:

"იმ ღა­მით ბი­ჭე­ბი, გი­ორ­გი რა­ტი­ა­ნი, გი­ორ­გი ნი­ჟა­რა­ძე და გი­ორ­გი კაკ­რი­აშ­ვი­ლი მეს­ტი­ი­დან უშ­გულ­ში მსუ­ბუ­ქი ავ­ტო­მან­ქა­ნით (BMW) გა­და­ად­გილ­დე­ბოდ­ნენ. სა­მი­ვე­ნი თა­ნა­ტო­ლე­ბი - 30-32 წლი­სა­ნი იყ­ვნენ. იქ ბიზ­ნე­სი ჰქონ­დათ. გარ­დაც­ვლი­ლე­ბი თბი­ლი­სე­ლე­ბი არი­ან, კაკ­რი­აშ­ვი­ლი - ჯან­და­რე­ლი.

სა­მი­ვე­ნი მე­გობ­რე­ბი იყ­ვნენ, ერ­თად გაზ­რდი­ლე­ბი, ზა­ფხუ­ლო­ბით სულ სვა­ნეთ­ში იყ­ვნენ. ბი­ჭე­ბი გვი­ან მი­დი­ოდ­ნენ უშ­გულ­ში და არის ვერ­სია, რომ ცუდი ხილ­ვა­დო­ბა იყო, ზოგი იმას ამ­ბობს, რომ მან­ქა­ნამ უმტყუ­ნათ. ერთ-ერთი გი­ორ­გის მამა - რო­ლანდ ნი­ჟა­რა­ძე, ერთი პე­რი­ო­დი სამ­ხედ­რო აკა­დე­მი­ა­ში ას­წავ­ლი­და. მე­ო­რე გი­ორ­გი - რა­ტი­ა­ნი ადრე ძი­უ­დო­ის­ტი იყო, ევ­რო­პის ჩემ­პი­ო­ნის ტი­ტუ­ლი მო­ი­გო. ვინც და­ა­მარ­ცხა, მის­მა მა­მამ გა­მარ­ჯვე­ბულს, გი­ორ­გი რა­ტი­ანს ია­რა­ღი­დან ეს­რო­ლა, მუხ­ლი და­ემსხვრა, სის­ხლის­გან იც­ლე­ბო­და, ძლივს გა­და­არ­ჩი­ნეს.

ამის შემ­დეგ ბიჭს ფე­ხის ამ­პუ­ტა­ცია დას­ჭირ­და. გი­ორ­გი ნი­ჟა­რა­ძეს დედა არ ჰყავ­და, რა­ტი­ანს - მამა (იმ შემ­თხვე­ვას გა­დაჰ­ყვა, ინ­ფარ­ქტით გარ­და­იც­ვა­ლა).

ავა­რი­ის დროს გი­ორ­გი რა­ტი­ა­ნი თურ­მე მან­ქა­ნი­დან ხტე­ბო­და, მაგ­რამ პრო­ტეზს შე­უშ­ლია ხელი, სა­ჭეს­თა­ნაც ის მჯდა­რა. მარ­ტო გი­ორ­გი კაკ­რი­აშ­ვილ­მა მო­ას­წრო მან­ქა­ნი­დან გად­მოხ­ტო­მა…", აცხადებს დაღუპული ბიჭების ახლობელი.