იაპონია შეშფოთებულია რუსეთის მიერ ბირთვული იარაღის გამოყენების მუქარით, ასეთი საფრთხე აბსოლუტურად მიუღებელია, - ამის შესახებ იაპონიის საგარეო საქმეთა მინისტრის მოადგილემ ტაკეო მორიმ განაცხადა. ინფორმაციას უკრაინული მედია ავრცელებს.

„იაპონია სერიოზულად არის შეშფოთებული რუსეთის მიერ ბირთვული იარაღის გამოყენების საფრთხის გამო. ასეთი საფრთხე აბსოლუტურად მიუღებელია და რუსეთმა არავითარ შემთხვევაში არ უნდა გამოიყენოს ბირთვული იარაღი“, - აღნიშნა მინისტრის მოადგილემ.

მორის თქმით, მხარეები შეთანხმდნენ, რომ მოლაპარაკებების შემდეგ გააგრძელებენ უკრაინის მხარდაჭერას და ასევე, აპირებენ ახალი სანქციების შემოღებას რუსეთის ფედერაციის წინააღმდეგ.