ჰორმუზის სრუტეში ჭურვის მოხვედრის შედეგად სატვირთო გემს ცეცხლი გაუჩნდა. ინფორმაციას ამის შესახებ „სიენენი“ ავრცელებს.

ორგანიზაცია „დიდი ბრიტანეთის საზღვაო სავაჭრო ოპერაციების“ თანახმად, გემმა დახმარება ითხოვა და მისი ეკიპაჟი ევაკუირებულია.

გემი მუსანდამის ნახევარკუნძულიდან ჩრდილოეთით დაახლოებით 11 საზღვაო მილის დაშორებით იმყოფებოდა.

„გემებს ვურჩევთ, სიფრთხილით გადაადგილდნენ და განაცხადონ ნებისმიერი საეჭვო აქტივობის შესახებ“, – ნათქვამია ორგანიზაციის განცხადებაში.

დღეს კიდევ ერთმა გემმა განაცხადა დაზიანების შესახებ, მას შემდეგ, რაც არაბთა გაერთიანებული საამიროების სანაპიროსთან ჭურვი მოხვდა.