ბოლო რამდენიმე დღის განმავლობაში ამერიკელი მოდელი ჰეილი ბიბერი უცხოური გამოცემებისა და ტაბლოიდების მუდმივი განხილვის საგანია. საქმე იმაშია, რომ 23 წლის ვარსკვლავის ორსულობის შესახებ უამრავი სიახლე გავრცელდა, რასაც ჰეილიმ საბოლოოდ პასუხი სოციალური ქსელის საშუალებით გასცა.

„გთხოვთ შეწყვიტეთ არასწორი ინფორმაციის გავრცელება, რომელსაც თქვენი "წყაროებისგან" იღებთ და კონცენტრირდით იმაზე, რაც მნიშვნელოვანია“, - წერს მოდელი.

ჰეილიმ ასევე ოფიციალურ ინსტაგრამ გვერდზე ფოტოებიც გამოაქვეყნა, სადაც მისი სხეულის დემონსტრირებით კიდევ ერთხელ ამტკიცებს, რომ ორსულად არა არის.