სამთვიანი პაუზის შემდეგ, მსოფლიოში ერთ-ერთმა ყველაზე აქტიურმა ვულკანმა კილაუეამ ამოფრქვევა დაიწყო.

როგორც აშშ-ის გეოლოგიური სამსახურის ჰავაის ვულკანების ობსერვატორიამ განაცხადა, ვულკანის ამოფრქვევის მიზეზი ჰალემაუმაუს კრატერის ფსკერზე არსებული ნაპრალების შედეგად ლავური ნაკადების წარმოქმნა გახდა. 

„გაზრდილი სეისმური აქტივობა და მწვერვალზე გრუნტის დეფორმაციის ცვლილებები 6 ივნისს, ღამით, დაიწყო. ამჟამად ჩვენ ვერ ვხედავთ რაიმე აქტივობის ნიშნებს რიფტულ ზონებში. არ არსებობს იმის საფუძველი, რომ აღნიშნულ ზონებში ლავა ამოიფრქვეს, რაც შესაძლო საფრთხეს შეუქმნის კუნძულის მოსახლეობას“, - აღნიშნა ობსერვატორიის გეოლოგმა მაიკ ზოლერმა.