საფრანგეთის პრეზიდენტის ემანუელ მაკრონის ისრაელში ერთდღიანი ვიზიტისას, მან ისრაელის ტერორისტულ დაჯგუფებებთან ომს "საფრანგეთის ომიც" უწოდა და ხაზი გაუსვა ჰამასის დასამარცხებლად საერთაშორისო კოალიციის ჩამოყალიბების მნიშვნელობას.

"ისრაელისთვის ტერორიზმთან ბრძოლა სასიცოცხლო მნიშვნელობისაა, მაგრამ ეს ჩვენთვისაც ასეა", - უთხრა ემანუელ მაკრონმა ისრაელის პრემიერმინისტრ ბენიამინ ნეთანიაჰუს.

შეხვედრის შემდეგ მაკრონმა განაცხადა, რომ ქვეყნებმა, რომლებიც ისლამურ სახელმწიფოს ებრძოდნენ, ჰამასის წინააღმდეგაც უნდა იბრძოლონ.

7 ოქტომბერს ჰამასის ისრაელზე თავდასხმის ფონზე, ემანუელ მაკრონი ისრაელში სოლიდარობის ნიშნად ჩავიდა, სადაც ისრაელის პრემიერმინისტრ ბენიამინ ნეთანიაჰუსა და მის კოლეგას, იცხაკ ჰერცოგს შეხვდა.