„ჰამასი“ აცხადებს, რომ განიარაღების შეთანხმების პირველი ეტაპი ისრაელმა უნდა დაიწყოს.

დაჯგუფების წარმომადგენლის თქმით, აშშ-ის შუამავლობით მიღწეული შეთანხმება ეტაპობრივად უნდა განხორციელდეს.

როგორც დაჯგუფების წარმომადგენელმა აღნიშნა, შეთანხმების ტექსტის ორივე მხარის მიერ დამტკიცების შემდეგ, პირველი ეტაპის შესრულება ისრაელმა უნდა დაიწყოს, რაც ღაზის სექტორიდან სამხედრო ძალების გაყვანას ითვალისწინებს.

„ჰამასის“ განცხადებით, ამის შემდეგ, იმ შემთხვევაში, თუ ისრაელი შეთანხმებას ოფიციალურად დაამტკიცებს, საკუთარ შეიარაღებას პალესტინის ეროვნულ კომიტეტს გადასცემს.

აშშ-ის პრეზიდენტის, დონალდ ტრამპის განცხადებით, „მშვიდობის საბჭომ“ ღაზაში „ჰამასისა“ და ყველა სხვა შეიარაღებული ჯგუფის სრულ განიარაღებაზე ისტორიულ შეთანხმებას მიაღწია.