ჰაიტიზე წყალდიდობას სულ მცირე 15 ადამიანი ემსხვერპლა, რვა კი დაკარგულად ითვლება.

ჰაიტის სამოქალაქო დაცვის სააგენტოს ცნობით, დაახლოებით 13 400 ადამიანის ევაკუირება განხორციელდა. სტიქიის შედეგად მთელი ქვეყნის მასშტაბით ათასობით სახლი დაიტბორა, დაზარალდა 7 400-ზე მეტი ოჯახი, თუმცა ოფიციალური პირები ზუსტი ზარალის აღრიცხვაზე ამ დრომდე მუშაობენ.

პრემიერ-მინისტრის, არიელ ანრის თქმით, ის მუშაობს ადგილობრივ და საერთაშორისო ორგანიზაციებთან წყალდიდობის შედეგად დაზარალებულთა დასახმარებლად.

ძლიერი წვიმები ჰაიტიზე 3 ივნისს დაიწყო, რამაც გამოიწვია ფართომასშტაბიანი წყალდიდობა და რამდენიმე რაიონში მეწყრული პროცესები.