საქართველოს პარლამენტთან, ე.წ. უცხოური გავლენის აგენტების კანონპროექტების წინააღმდეგ გუშინ გამართულ აქციაზე 36 პირია დაკავებული.

ისინი ადმინისტრაციულ სამართალდარღვევათა კოდექსის 173-ე და 166-ე მუხლების საფუძველზე არიან დაკავებული.

მათ შორის იყვნენ “ტაბულას” ჟურნალისტი ბექა ჯიქურიშვილი და “პუბლიკას” დირექტორი ზურა ვარდიაშვილი. ორივე გუშინ გაათავისუფლეს.

პარლამენტთან შეკრებილები „უცხოური გავლენის გამჭვირვალობის შესახებ“ კანონპროექტს აპროტესტებენ.

პარლამენტის შენობაში და მის გარეთ, ხმაურისა და პროტესტის ფონზე კომიტეტმა „ხალხის ძალის“ მიერ შეთავაზებულ ორივე საკანონმდებლო ინიციატივას მხარი დაუჭირა.