“პარტიის ორგანოები, პარტიის წესდების შესაბამისად იმოქმედებს. პოლიტსაბჭოსა და მის წევრებს თავისი ფუნქცია აქვთ, სწორედ ამის შესაბამისად იმოქმედებს ეკატერინე ტიკარაძეც. რაც შეეხება ჯანდაცვის მინისტრის კანდიდატურას, ეს არის, პირველ რიგში, პრემიერ-მინისტრის პრეროგატივა და ჩვენთვის, რა თქმა უნდა, განმსაზღვრელია პრემიერის პოზიცია. ბუნებრივია, რომ გუნდში კონსულტაციები მიდის, რომელიც გაგრძელდება. ჩვენ გვაქვს გარკვეული დრო, რომ მინისტრის კანდიდატურა შეირჩეს,”- განაცხადა ირაკლი კობახიძემ ჟურნალისტებთან საუბრისას.

შეგახსენებთ, ეკატერინე ტიკარაძემ ჯანდაცვის მინისტრის თანამდებობიდან გადადგომის შესახებ გუშინ განაცხადა. მისი თქმით, ის მუშაობას „ქართული ოცნების“ პოლიტსაბჭოში გააგრძელებს.