როგორც კახაძემ აღნიშნა, კოვიდვირუსმა ბევრი რამ გვასწავლა და ახლა ეს პოლიტიკაში უნდა გადმოვიტანოთ.

“კოვიდის ვირუსი ჩანს?! არ ჩანს, მაგრამ ძალიან საშიშია - როგორც ეს ვირუსი, ასევე პოლიტიკური ვირუსიც იმ ორგანიზმში შემოიჭრება, სადაც სუსტია ადგილი და იმას დაიმეგობრებს. შემდეგ ორჯერ უფრო დამაზიანებელი გამოვა - ეს ისე, მოსახლეობამ არჩევნების წინ რომ გაამახვილოს ყურადღება. ვირუსმა ბევრი რამ გვასწავლა და ახლა პოლიტიკაში გადმოვიტანოთ - პოლიტიკური ნიღაბი! პოლიტიკური ანგაჟირების გამო ზოგჯერ ისეთ სისულელეს ამბობ, რომ გგონია, ეს სიმართლეა. ტვინი უნდა იყოს მზაობაში, რომ ენით ნათქვამი სიტყვა ტვინმა რამდენიმე ხნის მერე არ უარყოს“, - განაცხადა ლადო კახაძემ პარლამენტის პლენარულ სხდომაზე.