გამოჩენილმა შვედმა გარემოს დამცველმა აქტივისტმა, გრეტა თუნბერგმა პარასკევს “ტვიტერზე” დაწერა, რომ მან დაამთავრა საშუალო სკოლა და, შესაბამისად, ვეღარ შეძლებს ე.წ. სასკოლო გაფიცვების გამართვას.

თუნბერგმა პოპულარობა მოიპოვა 2018 წელს, როდესაც მან სკოლაში მეცადინეობის ნაცვლად, შვედეთის პარლამენტის წინ გაფიცვა გამოაცხადა, რათა გაეპროტესტებინა ის, რასაც მან უწოდა არასაკმარისი ძალისხმევა კლიმატის ცვლილებასთან საბრძოლველად. 2019 წელს ის ჟურნალმა Time-მა წლის ადამიანად დაასახელა.

„სკოლაში გაფიცვის 251ე კვირა. დღეს მე ვამთავრებ სკოლას, რაც იმას ნიშნავს, რომ კლიმატის გამო გაფიცვას ვეღარ შევძლებ. ასე რომ, ეს არის ჩემი ბოლო გაფიცვა სკოლაში" - წერს თუნბერგი.