ამ დრომდე კრიტიკულია გორში დაჭრილი ახალგაზრდის მდგომარეობა. სამხედრო ჰოსპიტალში მას სასწრაფო ოპერაცია გუშინვე ჩაუტარდა და ამჟამად, რეანიმაციაშია.

როგორც ცნობილია, სისხლიანი დაპირისპირების შედეგად მოკლულია 33 წლის ირაკლი კობერიძე - მას ცეცხლსასროლი იარაღიდან რამდენჯერმე ესროლეს.

ერთ-ერთი ვერსიით, დაპირისპირება ახალაგზრდებს შორის სადგურის დასახლებაში, სახელოსნოსთან მანქანის უფასოდ შეღებვის მოთხოვნის გამო დაიწყო. არსებული ინფორმაციით, ავტომანქანების ხელოსანი დაკავებულია. სავარაუდოდ, მას ბრალს დღეს ოფიციალურად წაუყენებენ, რის შემდეგაც მისთვის აღმკვეთის ღონისძების საკითხს უკვე სასამართლო გადაწყვეტს.

გამოძიება განზრახ მკვლელობის და განზრახ მკვლელობის მცდელობის მუხლით მიმდინარეობს.