გარემოს ეროვნული სააგენტოს ინფორმაციით, გონიოში, შავი ზღვის მიერ გამორიყული მკვდარი ცხოველი, დელფინია.

მათივე ცნობით, მსგავსი ფაქტი ზაფხულის სეზონზე ყოველწლიურად ხდება და ახალი არ არის. ყოველ წელს მსგავსი ფაქტების გამომწვევი მიზეზი სხვადასხვაა, რის გამოც წელიწადში ათეულობით შემთხვევა ფიქსირდება, ძირითადად კი ზაფხულში.

სააგენტოში აცხადებენ, რომ ადგილზე სპეციალური ჯგუფი იმყოფებოდა, რომელმაც შავი ზღვის მიერ გამორიყული 1 დელფინი აღმოაჩინა. 

ამ დროისთვის, გამორიყული დელფინის დათვალიერება და გამომწვევი მიზეზების დადგენა მიმდინარეობს.

ცნობისთვის, სოციალურ ქსელში ვრცელდება კადრები, სადაც მოქალქის მიერ გადაღებულ ვიდეოში ჩანს, თუ როგორ გამორიყა შავმა ზღვამ მკვდარი ცხოველი.