გონიოს ხიდთან წუხელ მომხდარ ავარიას კიდევ 2 ადამიანი ემსხვერპლა, რომლებიც კლინიკაში იმყოფებოდნენ. 

როგორც ცნობილია, ავარია წუხელ მოხდა, რომელსაც  ერთი ადამიანი შემთხვევისთანავე ემსხვერპლა, ხოლო 3 დაშავებული საავადმყოფოში გადაიყვანეს.

ამ დროისთვის კიდევ ერთი დაშავებული რეანიმაციაშია და ექიმების თქმით, მისი მდგომარეობა მძიმეა.

ფაქტზე გუშინვე გამოძიება სისხლის სამართლის კოდექსის 276-ე მუხლით დაიწყო, რაც სატრანსპორტო მოძრაობისას წესების დარღვევას გულისხმობს, რამაც ადამიანის სიცოცხლის მოსპობა გამოიწვია.

ავტოსაგზაო შემთხვევისას ერთმანეთს მსუბუქი ავტომობილები შეეჯახნენ, ფაქტი სოფლის გზაზე მოხდა.