⭕ვეტერანების საქმეთა სახელმწიფო სამსახურისა და აფხაზეთის ძიუდოს აკადემიის ორგანიზებით, მოხალისეთა ორგანიზაციის „ახალგაზრდობა და ვეტერანები ეროვნული თავდაცვისა და უსაფრთხოებისთვის“ ხელშეწყობით, გომბორის მოხალისეთა მომზადების ბაზაზე გაიმართა ქართული ჭიდაობის ჩემპიონატი — „აფხაზეთის ღია პირველობა“.

⭕ტურნირი საქართველოს ტერიტორიული მთლიანობისთვის წარმოებულ ბრძოლებში დაღუპულ მებრძოლთა ხსოვნას მიეძღვნა.

⭕ჩემპიონატში, საქართველოს სხვადასხვა რეგიონებიდან აფხაზეთის ძიუდოს აკადემიის 80-მდე სპორტსმენი და გომბორი15 მოხალისე ჩაერთო. ღონისძიებაში მონაწილეობა მიიღეს 2008–2010 და 2011–2013 წლებში დაბადებულმა ვაჟებმა და გოგონებმა.

⭕ასპარეზობა 14 წონით კატეგორიაში გაიმართა. გამარჯვებულებს ვეტერანების საქმეთა სახელმწიფო სამსახურის მიერ დაწესებული მედლები და სიგელები გადაეცათ.

⭕ჩემპიონატის არბიტრთა შორის იყო ვეტერანების საქმეთა სახელმწიფო სამსახურის მონიტორინგისა და აუდიტის სამსახურის უფროსი, აფხაზეთის, სამაჩაბლოსა და 2008 წლის ომების ვეტერანი, სპორტის ოსტატი ძიუდოში, ეროვნული კატეგორიის მსაჯი — გია ედილაშვილი.

⭕ტურნირს ვეტერანების საქმეთა სახელმწიფო სამსახურის დირექტორის, მოადგილე ჯანდრი უბირია, აფხაზეთის ა/რ მთავრობის თავმჯდომარის მოადგილე, ანზორ მარგიანი, აფხაზეთის ა/რ განათლებისა და კულტურის მინისტრის მოადგილე დავით მიქავა, მასპინძელი ორგანიზაციის - „ახალგაზრდობა და ვეტერანები ეროვნული თავდაცვისა და უსაფრთხოებისთვის“ წარმომადგენლები და მოხალისეები დაესწრნენ.

⭕ჩემპიონატის მიზანს წარმოადგენდა მოხალისეების სპორტულ ცხოვრებაში ჩართულობის გაზრდა, ახალგაზრდებში ჯანსაღი ცხოვრების წესის პოპულარიზაცია და ქართული ჭიდაობის ტრადიციების მხარდაჭერა.

⭕საგულისხმოა, რომ ქართული ჭიდაობა 2018 წლიდან იუნესკოს მსოფლიო არამატერიალური კულტურული მემკვიდრეობის წარმომადგენლობით ნუსხაშია შესული.