გმირთა მოედანზე შეკრებილმა აქციის მონაწილეებმა მემორიალთან ფიცი დადეს.

ფიცის ტექსტი რამდენიმე ახალგაზრდამ წაიკითხა და მასში ნათქვამია, რომ ქვეყნის თავისუფლებისთვის ბრძოლას ბოლომდე მიიყვანენ.

„ჩვენი გმირების წინაშე, ვინც ჯავშნად გვედგა, ვინც ანდერძად დაგვიტოვა სახელოვნად გამარჯვება, ვინც არ დანებდა, ვინც 100 წლის წინ იბრძოლა ჩვენი თავისუფლების მტრების წინააღმდეგ, მათი სულების წინაშე, რომლებიც დღეს დაგვცქერიან ჩვენ, წარსულის და დღევანდელი გმირების, - 49 სინდისის პატიმრის სახელით, ისტორიისა და მომავლის წინაშე ვფიცავთ:

არ მივატოვებთ სიმართლისათვის დევნილებს! სიტყვით და საქმით ხელს გავუწვდით მათ და მათ ოჯახებს! ვფიცავთ - ვიქნებით ერთად! ვფიცავთ - ვიბრძოლებთ ბოლომდე!“, - ნათქვამია ფიცის ტექსტში.