გლდანში, სადაც „ერთიანი ნაციონლური მოძრაობის“ წევრს, ირაკლი ეძგვერაძეს ფიზიკურად გაუსწორდნენ, სამართალდამცავებსა და პარტიის წევრებს შორის ფიზიკური დაპირისპირებაა.

„ერთი და იგივე ხალხია, უბრალოდ სამხრეები უკეთიათ ვითომ. ამათ გარეშე აქ არაფერი არ ხდება“, - განაცხადა მელიამ.

ვრცელდება ინფორმაცია, რომ დაკავებულია რამდენიმე პირი, მათ შორის ნიკა მელია და ბაჩო დოლიძე.

რა მუხლით არის დაკავებული ნიკა მელია, ადმინისტრაციული წესით თუ სისხლის სამართლის კოდექსით,  შსს-ს თანამშრომლებს მედიისთვის არ განუმარტავთ.  

მანამდე კი თბილისის საკრებულოს წევრს, ირაკლი ეძგვერაძეს გლდანში, პირველი მიკრორაიონში, საკუთარ სახლთან თავს დაესხნენ.

„ნაციონალური მოძრაობის“ ერთ-ერთი ლიდერი, ნიკა მელიას განცხადებით, თავდასხმაში დაახლოებით 60 ადამიანი მონაწილეობდა.