"ერთიანობა ნაციონალური მოძრაობის" ლიდერის, გიორგი ვაშაძის განცხადებით, აქციაზე მას თავს დაესხნენ.

როგორც პოლიტიკოსი ამბობს, ე.წ ტიტუშკა მისთვის გაურკვეველი საგნის ყელში დარტყმას ცდილობდა, თუმცა ვერ მოახერხა.

მან ჟურნალისტებს წარუდგინა ვიდეომასალაც, რომელშიც, მისივე თქმით, თავდამსხმელი ჩანს.

“ამით დამესხა თავს (საგანი) ეს ადამიანი, კადრებიც არსებობს, დააფიქსირა ხალხმა სახეზე, ვინც არის… ყელში მირტყამდა ამას და ოდნავ გაკაწრული მაქვს, მაგრამ ყველაფერი კარგად არის.

ბრძოლას ვაგრძელებ და კობახიძესა და ივანიშვილს ვეუბნები: ამ ყველა “ტიტუშკას” ბოლოს თქვენს წინააღმდეგ ექნება ჩვენება მიცემული ამ დანაშაულისთვის, რომელსაც თქვენ ჩადიხართ! უცებ მოვარდა ვიღაც და წამებში მოხდა ყველაფერი. მერე მომეხმარნენ და გაიქცა ”, - განაცხადა ვაშაძემ.